支持Mag Ng挑戰撒哈拉250KM為極地同行籌款
捐款最低限額 (港幣):$100.00
“人生不平凡,從冒險開始!” 曾經只係FWD ACT團隊轉變平台嘅口號,但原來已漸漸入血了。
我一直鍾意探索新嘅事物,特別係同一班志同道合嘅人一齊突破。我唔識游水,但一班同事提議一齊學潛水,我即刻答應,最終考咗個OW證書!我亦從未學識滑水或嘗試滑雪,但當團隊旅行計劃去東京滑雪時,我再次毫不猶豫,最終滑得好盡興!之前從未跑過馬拉松,但經過一次又一次的挑戰後,我屢次克服自己,包括參加咗兩次Spartan比賽。所以當有機會參加撒哈拉超級馬拉松時,我毫不猶豫地答應,因為我相信突破自我會帶來更大的成長!
除咗工作之外,我亦熱衷於義工活動,積極參與慈善機構同教會團體嘅活動,包括台南麻豆和泰北嘅短宣。今次參加撒哈拉,我除咗視為一個自我挑戰之外,更希望能夠以此機會為慈善盡一份心力!
喺我萌生呢個諗法嘅時候,極地同行嘅Steve Lo同我透過WhatsApp互相打氣,令我更堅定自己嘅決心。我亦發現,原來佢嘅撒哈拉沙漠超級馬拉松經歷係啟發佢創辦極地同行嘅契機。多年嚟,我都參與過佢哋唔同嘅義工活動,並深深認同佢哋推動傷健共融文化嘅理念。
而我哋 Zillion Crew 團隊嘅核心價值正正就係 – Enriching the lives of the people we touch。所以我決定大膽一試,同極地同行團隊提議,睇下可唔可以幫手籌款。我相信,透過呢次挑戰,我哋唔單止能夠突破自我,更能為慈善盡一份心力,共同建立一個更加和諧共融嘅社會!
#BeTrue #BeYou #BeTheChange #GoCrazy #TheCrewAdventure #GetTheDreamDone
attribute | donation |
---|